Главная > В Башкортостане > Маҡсаттарыбыҙ уртаҡ

Маҡсаттарыбыҙ уртаҡ


23-11-2011, 15:12. Разместил: 147258951

Бөтә донъя башҡорттары ҡоролтайының башҡарма комитеты рәйесе Марсель ЙОСОПОВ Ишембай районы башҡорттары ҡоролтайы башҡарма комитеты ағзалары менән дә осрашты.
-  Халҡыбыҙҙың рухи-мәҙәни үҫеше мән-фәғәтендә, телебеҙҙе, мәҙәниәтебеҙҙе, милли йолаларыбыҙҙы һаҡлау, өйрәнеү һәм үҫтереү кеүек изге маҡсаттарҙы тормошҡа ашырыу өсөн хеҙмәт итергә тейешбеҙ. Бөтә донъя башҡорттары ҡоролтайының урындағы ойошмалары эшмәкәрлегендә был маҡсат беҙҙең дөйөм эшебеҙгә, мөһим бурыстарыбыҙҙың береһенә әйләнергә тейеш, - тине Марсель Йосопов урындағы башҡорт ҡоролтайы башҡарма комитеты ағзалары менән осрашҡанда.
Билдәле сәйәсмән һәм эшҡыуар һүҙҙәрен аныҡ эштәр менән раҫларға күнеккән. Беҙҙең ҡалаға был эш сәфәрендә лә ул Ишембайҙың башҡорт мәктәбенә спорт залы өсөн көрәш келәме алып бирәсәге хаҡында әйтте. Шулай уҡ беҙҙең муниципаль райондың бер төркөм эшҡыуарҙарына ярҙам ҡулы һуҙасағы тураһында белдерҙе. Марсель Харис улы “АРИС” телевидениеһында мосолман тапшырыуҙарын эфирға сығарыуҙы вәғәҙәләне. Абруйлы сәйәсмәндең Торатауҙың яҙмышына  битараф ҡалмаясағы тураһындағы һүҙҙәрен дә ишембайҙар хуплап ҡаршы алды.
Торатауҙы ЮНЕСКО-ға индереү өсөн бөтә мөмкинлектәрен ҡулланасағын, ҡоролтайҙың әүҙем ағзаһы, “Торатау” фонды рәйесе Абдрахман Вәлидовтың бар башланғыстарын да финанслаясағын белдерҙе.
Г. НОҒОМАНОВА.


Вернуться назад